東張西望丨「存三萬得三千」阿女不懸崖勒馬釀大錯 中大專家解構講大話心理分析自首原因
撰文: TOPick柴犬出動
發布時間: 2024/08/16 09:45
最後更新: 2024/08/16 09:51
▲ 《東張西望》「入3萬變3千」事件的阿女為何當初不一早懸崖勒馬?
【東張西望/入3萬得3千/李旻芳/心理學】TVB《東張西望》在上月中報道一位陳女士吩咐女兒入3萬元到自己的信用卡戶口,但陳女士翻查記錄顯示交易只有3千元,而陳女士的女兒又早已棄掉入數紙正本,銀行回覆指看完CCTV後發現並不是存入3萬元。
可是1個月後《東張西望》再跟進事件,在前晚(8月14日)播出《東張西望》存款羅生門事件終於水落石出!節目組去信向警方查詢,警方表示證實當時銀行存款機並無出錯,再得出驚人結果「被捕人向警方自首,承認曾使用行動應用程式修改存款單上的金額」。
東張西望丨櫃員機入3萬得3千存款事件水落石出 抽絲剝繭發現有人監守自盜?
東張西望丨不解阿女為何死撐
《東張西望》主持李旻芳聯絡陳女士,問她對女兒自首一事是否知情,陳女士表示:「我未知,因為我係醫院,我……腸胃炎啊!我再同你講啦,因為依家唔方便,再講啦!」回應時吞吞吐吐,估計她應已知道是女兒修改存款單的事實。
其實《東張西望》主持最初已曾問陳女士:「你有冇一刻懷疑過女女?」當時陳女士回答:「佢係好老實、好確實咁答覆我,係存入咗三萬蚊,而且那張入數紙顯示60張$500鈔票,總數是三萬元。」、「我有懷疑的,我諗佢而家見到事態咁嚴重,佢應該唔會同我講大話,係唔係啊?」
節目播出後,網民大多表示早猜到這結局,但對這名女兒寧願上電視仍死撐講大話,也不肯告訴母親真相,應該可以坦白從寬而且最多只是被媽媽責備,現在結果卻是令全港關注,兼且最大問題是隨時負上刑事責任,令網民感不解,甚至有人覺得阿女慣性講大話。
![](https://static04.hket.com/res/v3/image/content/3810000/3810308/tvb_202408115_21111_1bB111_600.jpg)
![](https://static04.hket.com/res/v3/image/content/3810000/3810308/tvb20240816_00002_600.jpg)
![](https://static04.hket.com/res/v3/image/content/3810000/3810308/852_1024_1024_600.jpg)
![](https://static04.hket.com/res/v3/image/content/3810000/3810308/Wha_1024_600.jpeg)
![](https://static04.hket.com/res/v3/image/content/3810000/3810308/1040_1024_600.jpeg)
![](https://static04.hket.com/res/v3/image/content/3810000/3810308/T0Jeps4y-DSLjB-T5vH0yqFcBLuBB0QQe2GNtXthjbU_1024_600.jpg)
![](https://static04.hket.com/res/v3/image/content/3810000/3810308/tPYN4sNHlgsNdJf7um6uZW6Ymdk0Cd8w15YnsNeWJ7A_1024_600.jpg)
![](https://static04.hket.com/res/v3/image/content/3810000/3810308/WhatsA11_1024_600.jpeg)
![](https://static04.hket.com/res/v3/image/content/3810000/3810308/tvb20240816_0001_600.jpg)
![](https://static04.hket.com/res/v3/image/content/3810000/3810308/tvb_202408115___2b_A211A111A_600.jpg)
東張西望丨專家指阿女非慣犯
TVB的「東張+」專訪香港中文大學教育心理學學系專業顧問劉善宜博士(Cindy),她卻認為阿女應該不是「慣犯」。
Cindy用心理學角度分析指,阿女應不屬病態說謊者,指:「法醫心理學上有些人會不停重覆講大話,我哋叫呢啲做病態說謊者,佢哋講大話唔會感覺到內疚,因為講大話對佢哋嚟講係一個好自然嘅行為。佢哋講大話時,唔會感覺到羞恥、難過或者覺得有問題。如果在一個公眾地方有人問或者質疑他們的時候,他們都會保持着一個慣性講大話的態度,講到像事實一樣。」
最新影片推介:袁偉豪專訪
東張西望丨不懸崖勒馬鑄大錯
此外,Cindy觀察認為陳女士似乎亦非常信任自己女兒,所以相信阿女不是慣犯,可能只是在公眾目光下一時不知如何處理,結果愈踩愈深。
Cindy並分析阿女之後自首原因,稱:「如果個媽媽咁信任佢,即係話平時可能呢樣嘢唔係佢認識的女兒平時慣有行為。所以可能阿女都是感覺到呢件事是錯、都會有唔開心、都會有自責。所以過咗幾日之後心裡都會有心理壓力,因為佢唔係一個慣犯、無講大話嘅病態,所以過咗幾日之後佢都要承認返。」
至於為何阿女當初接受《東張西望》時,仍然理直氣壯甚至表示不怕報警, Cindy認為:「其實人講大話嘅原因有好多,有時是逃避責任、逃避責罰,唔想受到傷害或者感覺到尷尬,我覺得喺呢個特殊情況下,可能阿女選擇講大話係因為佢好難去承認自己犯嘅錯誤,特別喺一個公眾嘅環境。」
她續指:「其實而家好多年青人都有好強嘅自尊心,自我嘅意識好強,驚畀人哋覺得『哇點解佢咁蠢㗎』,或者因為做咗某啲行為令到家人感到好尷尬或者失望。」
無奈阿女當初不懸崖勒馬坦誠地向媽媽認罪,結果鑄成大錯。
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5